ابووذيات وانشاء الله تعجبكم ...

اعزائي الكرام ...

لكم مني ابووذيات وانشاء الله تعجبكم ...

يلا نبدي



المصايب بس علي ياناس ينحب
وكلبي من السكم والنوح ينحت
الوكت كل يوم الي تمثال ينحت
صرت مشبووه لهل الناصريه



وحق الي تعبده الناس وحده
حبك سلب مني الروح وحده
هذني اثنين وانت اختار وحده
ترحل لو تضل صاحب اليه



جرح البيه كافيني وزايد
وتضل للموت احبنكم وزايد
بمزاد الحب اريد اكعد وزايد
واكل للناس حبك بس اليه




بمشيتك مااظن يمشي ملازم
وحسنك منكتب عنه ملازم
حبيبي لا تحط الاحمر مالازم
لان شفتك والورد صارن سوويه




باقي اعلى الحزن عايش لساني
شكلك كلمه ماينطق لساني
لشيعي اليوم اصيرلهم ولنسي
عراقي اني وعراقيتي الهويه



مو مرضع ذهب مرضعك من در
حقد شايل بكيانك ليش من در
تذكر مره بيه الزمن من دار
لا تضحك كلتلك روحي حيه



بنبي الانجيل اريد احلف وربه
كلبي من الحزن مكلف وربه
باك اسنيني بجفوفه وربه
بهاي الروح ناقص صار اليه




بماي الذهب بجفوفي خلقتك
عجب بس يمي شو تكلب خلقتك
ربك من خلق شخصك تره خلق تك
وخلق تكي وجمعنه بلا قضيه



تحياتي لكم جميعأ ....