منتدئ عيون الحامضيه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدئ عيون الحامضيه

منتدئ عيون الحامضيه
 
البوابةالرئيسيةأحدث الصورالتسجيلدخول

 

 ابو ذيات من ابو ذنون

اذهب الى الأسفل 
كاتب الموضوعرسالة
وليد الشعباني




عدد المساهمات : 6
تاريخ التسجيل : 31/08/2009

ابو ذيات من ابو ذنون Empty
مُساهمةموضوع: ابو ذيات من ابو ذنون   ابو ذيات من ابو ذنون Emptyالخميس سبتمبر 03, 2009 4:06 am

حرت ليهسه احبك هل لساني
وكل ميهل دليلي هل لساني
هلس ولله غيابك هلساني
وصفه جلد وعضم ساتر عليه



ألف شاطي الدره ابظيمي ولفراك
أوغرامك فج جرح كلبي ولف راك
اوعلي من اذكر ايامك ولفراك
أكول اشواية الله عله المنيه


شعجب وياك مامقبول عذري
وانت ابن العشاير جمع عذري
حبنا وياك يامدلول عذري
جميل وقيس صار ونهم الية
___________________________
روحي اتسب هجر روحك حشاها
مريضة ابهل سبب صارت حشاها
اظن فكري الذي الكم حشاها
على كيفك فلاتحمل اذية
_____________________________
اغط الكلب وسط البحر ينباك
لان يهوى كعدتة دوم ينباك
اذا اسلاح البديك ابغفل ينباك
اشلون اتاملك تنطر علية


ماهمني
علي صدك سهامك ماهمني
أذا جتك ردية ماهي مني
ألي رب يعرفني ماهملني
يخلصني اذا طحت بلية



يهل تنشد اشلون الحال وشباك
ابهوه ولفي طحت بشراك وشباك
لون واشي ابهوى الخلان وشباك
الف واشي انه التمو عليه



يروحي اتمعني ابوكتج وجربيه
وينشدني الوكت جم نوب واجربيه
ان جان الملح بيه حوبه واجربيه
اشعجب ملحي انكلب ضدي عليه



اهلك من حلات البيك ميتين
وطعم شفتك يبعد الروح مي تين
اليشوفك سكرة يصعد ميتين
ويصعد من يبوسك تسعمية



العشك موعيب بي رخصة وذن بي
وذنب الكلب موذنبج وذنبي
الكلب بي عين بي شفة وذن بي
شافج واستمعلج صاح هيه




جم مرسال الك يسمر ملـيتة
ودمع جف إيدي من بعدك مليتة
من صبري الصبر مل و مليتة
وحياتي أصبحت وحشة مغربية




غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه




ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه



اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية



ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية



الشاعر سعد الربيعي وبيت جديد من الابوذيه

الوكت وياي ياصاحب ولك مال

وكضيت العمر لاناجح ولكمال

حتى الجان يوصلني ولك مل

كطع جيته ولا ينشد عليه






كتلني الشادعصابه هوازي
قريت احروف البگصته هوازي
سالته منين گال انه هوازي
سالته السكن گال الناصريه


اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية






الابيات للشاعر المبدع ايهاب المالكي

اوصي الراح والرد من رساله
شعجب شبساع ينسى من رساله
مشى وودا رساله من رساله
جهنم بالظرف وداها اليه
..
................
الي احباب اعلمودك ودعوني
طحت ما شفت واحد ودا عوني
انا بعرسك دعوني ودعوني
نفسهم جانوا يشمتون بيه
..............




عسا كلبك يلم فرحه مايلم هم
خوتك طشرتهم صدك حجيك مايلمهم
لا تشكو للناس جرحا ما يلمهم
صديج الجرح اعلم بالاذيه


بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه
تحياتي اخوكم مصطفى الدليمي



سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه


[
الرجوع الى أعلى الصفحة اذهب الى الأسفل
وليد الشعباني




عدد المساهمات : 6
تاريخ التسجيل : 31/08/2009

ابو ذيات من ابو ذنون Empty
مُساهمةموضوع: ابو ذنون الشعباني   ابو ذيات من ابو ذنون Emptyالخميس سبتمبر 03, 2009 4:10 am

اابو عمار يجب ان تقبل ابو ذيات مني ونكت وحط اوفر ان اشاء الله Very Happy
الرجوع الى أعلى الصفحة اذهب الى الأسفل
 
ابو ذيات من ابو ذنون
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدئ عيون الحامضيه :: المنتدئ الشعر-
انتقل الى: